برگزاری جشنواره توت شمالی در کاپیسا

شماری از شاعران، نویسنده‌گان و فرهنگیان در کاپیسا در حصه‌دوم کوهستان جشنواره توت را در این ولایت برگزار کردند.

محمد اکرم خاموش، رییس انجمن شاعران و نویسندگان کاپیسا‌ گفت که از این جشنواره با شعر خوانی گرامی‌داشت به عمل آمد.

به گفته او، در این جشنواره ده‌ها از تن شاعران، فرهنگیان و خبرنگاران ولایت‌های کابل، پروان و کاپیسا اشتراک کرده بودند.

در همین حال، شماری از شرکت کنندگان در این جشنواره گفته‌اند برگزاری این جشنواره‌ها می‌تواند در همدیگر پذیری شهروندان کشور و تحکیم وحدت میان اقوام افغانستان اثرگذار باشد.

«جشنواره توت‌شمالی» در ولایت‌ کاپیسا، همانند میله‌های گل‌سرخ در مزار، گل نارنج در ننگرهار، گل ارغوان در پروان و برخی دیگر میله‌های عنعنوی مردم افغانستان، در سال‌های اخیر در این ولایت برگزار می‌شود.

باشگاه خبرنگاران جوان افغانستان افغانستان