استاد مهوش؛ خداحافظی خواننده سرشناس افغانستان پس از ۵۶ سال از صحنه

گلالی فریده، معروف به «مهوش»، نخستین زن اهل افغانسان است که رسماً لقب استادی را در هنر آوازخوانی در دهه ۱۹۷۰ میلادی و در زمان ریاست جمهوری محمد داوود، دریافت کرد. او اما به تازگی در جریان یک کنسرت بزرگ که با اشتراک خواننده‌ها، اهالی موسیقی و هنرمندان افغانستان و تاجیکستان در آمریکا برگزار شده بود از صحنه هنر موسیقی خداحافظی کرد.